ADDS

ADDS

Friday, 15 June 2018

RC GAMBO :WAANDISHI KUWENI WAZALENDO KWA MKOA NA TAIFA

Mkuu wa mkoa wa Arusha Mrisho Gambo akiendesha mazungumzo pamoja na mijadala mbalimbali iliyokuwa ikiendelea katika kikao. Cha siku. Moja cha waandishi wa habari pamoja na wadau wa taasisi za serikali mkoani hapo. Picha na Vero Ignatus. 
 Mkuu wa Wilaya ya Arusha Fabian Gabriel Daqarro akizungumza na waandishi wa habari katika mkutano wa siku moja ulioitishwa na mkuu wa mkoa huo. Picha na Vero Ignatus
 Katibu Tawala  wa Mkoa wa Arusha Charles Kwitega akizungumza katika mkutano huo katika Kituo cha kimataifa cha mikutano cha AICC Arusha. Picha na Vero Ignatus.
 Mkurugenzi wa Kituo cha Mikutano ya Kimataifa cha AICC Arusha Eliashialia Kaaya.
Meneja wa TRA mkoa wa Arusha Faustine Mdesa, akiwasilisha mafanikio, changamoto na mpango mkakati wa mwaka wa serikali unaomalizika tar 30 june 2018.Picha na Vero Ignatus
Mwenyekiti wa Klabu ya waandishi wa mkoa wa Arusha  Cloud Gwandu akizungumza katika mkutano wa siku moja wa mkuu wa mkoa wa Arusha na waandishi wa Habari. Picha na Vero Ignatus
Naibu Muhifadhi wa Mamlaka ya Hifadhi Ngorongoro, Asangye Bangu akijibu maswali yaliyoulizwa na waandishi wa habari. Picha na Vero Ignatus.

Mdau wa utalii kutoka Shirika la Hifadhi la Taifa (TANAPA) Paschal Shelutete ambae akijibu maswali na kutoa ufafanuzi kwenye mkutano wa waandishi wa habari ulioandaliwa na Rc Mrisho Gambo- Arusha. Picha na Vero Ignatus.

Baadhi ya waandishi wa habari walioshiriki katika mkutano ulioitishwa na mkuu wa mkoa wa Arusha Mrisho Gambo ukiwa na lengo la kuhakikisha kuboresha mahusiano kati ya serikali na waandishi mkoani hapo. Picha na Vero Ignatus.
Kutoka kushoto ni Katubu tawala wa mkoa wa Arusha Charles Kwitega akiteta jamba na mkuu wa wilaya ya Arusha Fabian Gabriel Daqqaro. Picha na Vero Ignatus.

Meneja wa Mamlaka ya Usimamizi wa Bima Nchini (TIRA) Kanda ya Kaskazini Eliezer Rweikiza akiwasilisha kazi na majukumu ya Mamlaka hiyo na umuhimu wa kuwa na Bima haswa kwa vyombo vya moto.Picha na Vero Ignatus.

Na. VERO IGNATUS ARUSHA

Mkuu wa mka wa Arusha Mrisho Ghambo amefanya mkutano wa siku moja na waandishi wa habari ukiwa na lengo la kuimarisha na kuboresha mahusiano kati ya Serikali na wanahabari.

Katika mkutano huo wa siku moja ambao  ni wapili tangia kuingia madarakani  umewajumuisha wadau mbalimbali wa Taasisi za serikali mkoani hapa katika kueleza mafanikio changamoto mbalimbali za maendeleo na namna ya kuzitatua.

Katika ufafanuzi zaidi Gambo amesema kuwa asilimia 80%ya mapato mkoani hapo yanatokana na utalii hivyo amewataka wanahabari kuwa makini  taarifa ambazo wanaandika wazichuje kabla ya kuzipelea katika jamii.

"Mfano habari ya mtalii kutekwa, mwandishi unapoaiandika hiyo habari na kuitoa katika vyombo vya habari, itasomwa na inaweza kuleta madhara, kuwaogopesha wageni kutokuja nchini kwaajili ya utalii, kuweni makini tangulizeni uzalendo kwanza"

Amewataka viongozi mkoani hapa Kuwapa ushirikiano wa kutosha waandishi kwani kuna baadhi ya viongozi wanawakimbia waandishi na kuwalazimisha waandike kadri wanavyoona inafaa,amekemea na kuwataka kutoa ushirikiano

RC Gambo amepongeza juu ya jambo la kujiendeleza kielimu kwa waandishi ambapo ameutaka uongozi wa, APC kupeleka data base ili uongozi wa mkoa waone ni namna gani unaweza kuandika andiko kwa wadau mbalimbali kwaajili ya kuwasapoti kielimu. 

Gambo amewataka wanahabari mkoani hapo kutokukubali kurubuniwa au kutumiwa na mtu awae yeyote yule ili kuharibu amani badala yake watangulize Uzalendo kwanza kwaajili ya mkoa na Taifa kwa ujumla.

Tuesday, 12 June 2018

TAARIFA KWA UMMA KUTOKA TAASISI YA UTAFITI WA MISITU TANZANIA (TAFORI)


IMANI POTUFU JUU YA MITI AINA YA TEMINALIA (PANGA UZAZI)

UTANGULIZI
Kumekuwepo na taarifa zinazozungushwa kwenye mitandao mbalimbali ya kijamii kuhusu miti aina ya Teminalia (maarufu kama Mkungu na Panga uzazi) ikihusishwa na kusababisha majanga, chuki, ugomvi na vifo kwa jinsia ya kiume popote pale miti hii ilipopandwa au kumea. Hivyo Taasisi ya Utafiti wa Misitu Tanzania (TAFORI) ambayo imepewa mamlaka na Serikali ya Jamhuri ya Muungano wa Tanzania ya kufanya, kusimamia na kuratibu tafiti za Misitu nchini kwa mujibu wa Sheria ya Bunge Namba 5 ya mwaka 1980 inapenda kutoa taarifa kwa Umma kuhusu miti aina ya Teminalia. Taarifa hii kwa umma inakuja baada ya watafiti kusikia na kuona watu wengi wakichukua maamuzi ya kuingoa miti ya Teminalia katika makazi na maeneo kutokana na kuenea kwa taarifa hizi zenye kupotosha. Tunapenda jamii ifahamu mambo yafuatayo ya msingi kuhusu miti aina ya Teminalia.

(i) Kuna aina zaidi ya 100 za miti aina ya Teminalia hapa duaniani na yote haina madhara yanayotajwa katika taarifa ambazo sio rasmi zinazozunguka katika mitandao ya kijamii.

(ii) Hata hivyo mti unaolaumiwa na kuhusishwa na imani potofu umetajwa kwa jina la kisayansi kama Terminalia catappa (Mkungu) japo picha zinazozungushwa kwenye mitandao ya kijamii ni picha za mti unaoitwa kwa jina la kisayansi kama Terminalia mantaly (Panga uzazi).

(iii)  Miti ya Terminalia catappa (Mkungu) inapatikana kwa asili katika sehemu zenye joto la kiasi katika pwani za Bara la Asia. Hata hivyo imepandwa maeneo mengi katika bara la Afrika hasa karibu na maeneo ya Pwani yenye mwinuko usiozidi meta 600 juu ya usawa wa bahari, na miti aina ya Terminalia mantaly (Panga Uzazi) imepandwa kuanzia uwanda wa chini kiasi hadi maeneo yenye miinuko na baridi kama yale yanayozunguka milima ya Tao la Mashariki mwa Tanzania.

(iv)  Aina hizi mbili za miti ya Terminalia zinatofauti kubwa, Terminalia catappa (Mkungu) ikiwa na majani mapana, wakati ambapo Terminalia mantaly(Panga Uzazi) majani yake ni madogo. Na pia Terminalia catappa (Mkungu) inazaa matunda makubwa yanayoliwa na wanadamu na sehemu nyingi za Tanzania mti huu umejulikana kama Mkungu, maana unazaa kungu na haujawahi kujulikana kama mti chonganishi sehemu yoyote duniani. Kwani sehemu za Asia ambapo mti huu unapatikana kwa asili unajulikana kama India almond au Sea almond, yaani Mkungu wa India au Mkungu wa sehemu za bahari.

(v) Jina la mti huu (Terminalia catappa) halina uhusiano na sehemu za siri za mwanaume. Kwani sehemu ya kwanza ya jina hili yaani Terminalia inatokana na neno la Kilatini Terminus linaloleta neno la Kiingereza Terminal, yaani ya mwishoni, cha mwishoni, mwishoni. Hii ikimaanisha kwamba majani yake yamekusanyika mwishoni kabisa mwa tawi au kijitawi. Na sehemu ya pili ya jina yaani catappa inatokana na neno Ketapang kwa lugha ya Maleshia (Malay) likimaanisha mti wenye mbegu zinazotumika kutengezea dawa. Na sehemu nyingi za Asia, ikiwemo mitaa, viwanja vya ndege, watu, wamepewa jina hili la Ketapang likiwa na maana nzuri tu kwa lugha ya Kimaleshia.

(vi)  Ifahamike kwamba miti ya Terminalia catappa (Mkungu) inafaa kwa matumizi mbali mbali; magome yake na majani hutumika kuweka rangi nyeusi kwenye ngozi, mbao yake ni nzuri na hutumika kwa kutengenezea boti na ujenzi wa nyumba, mbegu zake huliwa na zinatoa mafuta yasiyo na harufu ambayo hutumika kutibu uvimbe tumboni na yakichemshwa na majani yake hutibu magonjwa mengi ya ngozi, tunda lake huliwa tena lina harufu nzuri japo kwa sababu ya nyuzi nyuzi nyingi halipendelewi sana na watu wengi, hupandwa zaidi sana kama mti wa kupendezesha mandhari kwenye miji na bustani kwani una matawi yanayosambaa kwa mlalo na majani yake ni mapana, hivyo hutoa kivuli kizuri. Mizizi ya mti huu husambaa kwa mlalo ili kuweza kushikilia mti usianguke, hivyo kama ilivyo kwa miti mingine mingi si vyema kuipanda karibu sana na nyumba kwa hofu ya kuleta nyufa kwenye majengo dhaifu.

HITIMISHO
Taasisi ya Utafiti Misitu Tanzania ingependa kuwatoa hofu wananchi juu ya miti aina ya Terminalia na kusisitiza kwamba miti hii ising’olewe kwa kisingizio cha imani potofu kwani haina madhara yanayoelezwa na kusambazwa kwenye mitandao ya kijamii. Miti aina zote mbili (yaani Terminalia catappa na Terminalia mantaly) inafaa kwa ajili ya bustani na kuboresha mandhari. Pia TAFORI inawasihi viongozi wa kijamii na kidini kuacha hulka ya kutafuta umaarufu kwa kutoa taarifa zisizo rasmi na zenye kupotosha jamii zinazohusisha viumbe na majanga ikiwemo miti. Wananchi wanasisitizwa wafanye kazi ili kuboresha hali ya maisha yao na mazingira lakini sio kusingizia viumbe asili kama chanzo cha majanga na matatizo yao ya kiuchumi na kijamii.

Kwa maelezo zaidi tafadhali wasiliana na:

 Kaimu Mkurugenzi Mkuu,
 Taasisi ya Utafiti wa Misitu Tanzania,
 S.L.P.  1854,
 MOROGORO - TANZANIA

 Simu:                    +255  23  2604499
 Nukushi:               +255  23  2603725
 Barua elekloniki:   tafori@tafori.or.tz
 Tovuti :                  www.tafori.or.tz

Sunday, 10 June 2018

MAKAMU WA RAIS MHE. SAMIA SULUHU AKISALIMIANA NA MKUU WA KANISA LA KKKT TANZANIA DR. SHOO

Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Askofu Mkuu wa Kanisa la Kilutheri Tanzania (KKT) Dkt. Fredrick Shoo mara baada ya kuwasili kwenye Ibada ya Kuzindua Dayosisi ya Magharibi Kati na kumuweka Wakfu na kumuingiza kazini Askofu Mteule Mch. Dkt. Isaac Kissiri Laiser na kuingizwa kazini Msaidizi wa Askofu Mteule Mch. Newton John Maganga, mkoani Tabora leo. (Picha na Ofisi ya Makamu wa Rais)

Saturday, 9 June 2018

WAZIRI MKUU MAJALIWA AFUNGUA MKUTANO WA MAWAZIRI WA MADINI NA KUZINDUA MAABARA YA KISASA YA MADINI


 Waziri Mkuu, Kassim Majaliwa akizungumza wakati alipofungua Mkutano wa 38 wa Mawaziri wa Madini  kutoka nchi wananchama wa Ukanda wa  Maziwa Makuu kwenye   Kituo cha Utafiti  na uendelezaji wa sekta ya Madini, Kundichi jijini Dar es salaam, Juni 8, 2018. (Picha na ofisi ya Waziri Mkuu)


 Waziri Mkuu, Kassim Majaliwa  akimsikiliza Meneja wa Maabara ya Kemia na Mazingira wa Kituo cha Utafiti na Uendelezaji wa Sekta  ya Madini, Bw.  Charles Butete baada ya kuzindua maabara hiyo , kunduchi jijini Dar es salaam, Juni 8, 2018. Wapili kushoto ni Waziri wa Madini, Angela Kairuki. 


 Waziri Mkuu, Kassim Majaliwa akiwa katika picha ya pamoja na viongozi  kutoka nchi wanachama wa Ukanda wa   Maziwa Makuu baada ya kufungua Mkutano 38 wa  Mawaziri wa Madini kutoka nchi hizo kwenye Kituo cha utafiti na uendelezaji wa sekta ya Madini, Kunduchi jijini Dar es salam, Juni 8, 2018. Watatu kulia ni Waziri wa Madini, Angela Kairuki. 


Waziri Mkuu, Kassim Majaliwa akizungumza na waandishi wa habari baada ya kufungua Mkutano wa 38 wa  Mawaziri wa Madini kutoka nchi wanachama wa Ukanda wa  Maziwa Makuu kwenye Kituo cha utafiti na uendelezaji wa sekta ya Madini, Kunduchi jijini Dar es salam, Juni 8, 2018. (Picha na Ofisi ya Waziri Mkuu)

Mahakama ya ICC imemuachia huru aliyekuwa Makamu wa Rais wa DRC


Mahakama ya kimataifa ya uhalifu (ICC) Ijumaa imefuta makosa ya uhalifu wa vita na adhabu ya kifungo cha miaka 18 jela kwa mwanasiasa wa Congo, Jean Pierre Bemba, ikiwa ni pigo kubwa kwa waendesha mashtaka na huenda ikawa na matokeo makubwa kwa siasa za Jamhuri ya Kidemokrasi ya Congo.
Jaji Christine Van den Wijingaert amesema Bemba, ambaye aliwahi kuwa kiongozi wa chama kikuu cha upinzani nchini Congo hawezi kuwajibishwa kwa uhalifu uliotendwa na wanajeshi waliokuwa chini ya udhibiti wake katika nchi jirani ya Jamhuri ya Afrika ya Kati (CAR) mwaka 2002 mpaka 2003.
Kwa kuongezea amesema majaji katika kesi hiyo wameshindwa kuangalia juhudi zake za kusitisha uhalifu uliotendwa na Movement for the Liberation of Congo (MLC) mara tu alipofahamu kuhusu hayo na jinsi ilivyokuwa vigumu kwa yeye kuwadhibiti wanajeshi akiwa mbali nao.
Uhalifu wa MLC
“Bwana Bemba hawezi kuwajibishwa kwa uhalifu ulioendeshwa na wanajeshi wa MLC wakati wa operesheni huko Jamhuri ya Afrika ya Kati,” amesema, alipokuwa akisoma maamuzi ya jopo la majaji watano wa rufaa.
Van den Wijingaert amesema juhudi za Bemba kusitisha uhalifu “zimefuta wajibu wake kikamilifu.”
Kufutiwa makosa kwa Bemba ni pigo kubwa sana kwa waendesha mashaka, ambaye kukutwa na hatia kwake ilikuwa moja ya kesi chache ambazo wameshinda tangu mahakama hiyo iundwe mwaka 2002.
Bemba alikuwa mwanasiasa wa juu kukutwa na hatia na mahakama ya kudumu ya uhalifu wa vita, na kesi imeonekana kuweka mfano kwamba maafisa wa siasa na kijeshi huenda wakawajibika kwa vitendo vya wanajeshi waliokuwa chini ya uongozi wao.
Makamu wa rais
Bemba, makamu rais wa zamani huko Jamhuri ya Kidemokrasi ya Congo, alikutwa nahatia ya mauaji, ubakaji na vitendo vya utekaji nyara vya wanajeshi wa MLC ambao aliwapeleka Jamhuri ya Afrika ya Kati kumsaidia rais wa wakati huo Ange-Felix Pattasse.
Bemba hakutolewa haraka Ijumaa licha ya kufutiwa makosa kwasababu alikutwa na hatia ya kuingilia kati ushahidi, na uamuzi wa mahakama ya rufaa katika kesi bado haijakamilika.
Uhusiano na Mobutu Sese Seko
Bemba, mtoto wa kiume wa mfanyabiashara, alikuwa tajiri kutokana na uhusiano wake na kiongozi wa zamani wa Congo, Mobutu Sese seko. Aliingia katika serikali chini ya utawala wa rais wa sasa Joseph Kabila mwaka 2003 kama seheu ya makubaliano ya kushirikiana madaraka ambayo yalimaliza vita vya wenyewe kwa wenyewe.
Bemba bado ni mtu maarufu magharibi mwa Congo, ambako chama chake cha MLC ni moja ya harakati kubwa sana za upinzani kwa Kabila, ambaye anatarajiwa kuachia madaraka baada ya uchaguzi unaotarajiwa kufanyika mwezi Desemba.
Credit: Voa

Kuhamasisha Uchangiaji Wa Fedha Kwa Ajili Ya Ujenzi Wa Vyoo


Spika wa Bunge Mhe. Job Ndugai akiosha magari tofauti tofauti wakati wa shughui ya kuosha Magari kwa ajili ya kuchangia fedha za kujengea Vyoo vya mfano kwa ajili ya watoto wa Kike na wenye mahitaji maalum. Shughuli hiyo imefanyika katika uwanja wa Jamhuri Jijini Dodoma.
PICHA NA BUNGE

Habari Njema-Zamaradi Mketema Ajifungua Mtoto Wake

Mtangazaji maarufu Zamaradi Mketema ambaye pia ni mdau mkubwa katika tasnia ya Bongo movie ametangaza habari njema baada ya kujifungua mtoto wake jioni hii.

Zamaradi amefanikiwa kujifungua mtoto wake wa tatu ambaye ni wa kiume lakini huyu atakuwa mtoto wake wa kwanza na mume wake Shabani.

Thursday, 7 June 2018

Tanzia : MSANII SAM WA UKWELI AFARIKI DUNIA

 Usiku wa June 6, 2018 Muimbaji Sam wa Ukweli aliyevuma kwa wimbo wa'Hata kwetu wapo' amefariki dunia baada ya kuugua na mwili wake kupelekwa katika hospitali ya Mwananyamala Jijini Dar es salaam huku Producer wake Steve aliyekuwa akifanya kazi na Msanii huyo na amesema Sam alikuwa akiumwa na walipomuuliza alisema ni UKIMWI wa kulogwa.

Waziri Mwakyembe Atuma Salam Za Rambirambi Kufuatia Kifo Cha Msanii Mchongaji Focus Senya








Wednesday, 6 June 2018

Polisi waanza uchunguzi matapeli wa meseji za simu


Jeshi la Polisi Kanda Maalum ya Dar es Salaam kupitia kitengo cha upelelezi wa makosa ya mtandaoni, (Cybercrime investigation unit) kimesema kuwa kinafanya uchunguzi kuwabaini wanaotuma ujumbe mfupi wa simu za mkononi kwa nia ya kuwatapeli wananchi.

Taarifa iliyotolewa na Msemaji wa Jeshi la Polisi, Makao makuu, Barnabas Mwakalukwa, leo imesema yeyote aliyetapeliwa anatakiwa kutoa taarifa katika kituo cha polisi alichokaribu nacho.

“Tunawataka wananchi kuacha kutumia simu na mitandao ya kijamii vibaya na badala yake itumike kuhabarisha na kuelimisha jamii juu ya mambo mbalimbali ya maendeleo,” imesema taarifa hiyo.

Taarifa hiyo imesema, baadhi ya jumbe hizo ni zile zinazosema. ‘Ile hela tuma kwa namba hii’ au ‘usipige kwa sasa, spika imeharibika, tuma ujumbe,’ au ‘Mjukuu wangu ile ndagu niliyokutumia imefanya kazi na sasa unapata wateja wengi... sasa njoo uchukue ndagu nyingine ya mvuto na nyingine kama hizo.’
Pamoja na hayo Jeshi la Polisi limetoa wito kwa wananchi kutumia mitandao pamoja na simu katika kuelimisha na kuhabarisha na si vinginevyo ikiwa ni pamoja na kuwataka wananchi kupuuzia  jumbe hizo zenye lengo la kitapeli.