ADDS

ADDS

Thursday, 11 May 2017

UFAHAMU MMEA HATARI WA GUGU KAROTI NA MADHARA YAKE

Afisa uhusiano wa Chuo Kikuu cha Mount Meru kilichopo Jijini Arusha  Imelda Naomi akiwa ameshikilia mkononi gugu karoti akiwa ameling'oa tayari

Madhara yanayompata mtu mwenye ngozi Mara baada ya kuushika mmea hatari wa Gugu Karoti,kama inavyoonekana hapo kwenye picha hapo juu.
Picha ikionyesha ngozi ilivyoanza kuharibika Mara baada ya kushika mmea hatari wa Gugu Karoti,unashauriwa unapoling'oa uvae mfuko wa plastiki mikononi ili kuepusha kugusana na ngozi ya mwili.

Baadhi ya wafanyakazi wa chuo kikuu cha mount meru wakiwa wanalitofautisha gugu karoti na majani mengine ili waweze kuling'oa
wafanyakazi wa Chuo Kikuu cha Mount meru wakiwa wameshaling'oa mmea wa gugu karoti wakiwa wamevaa mifuko ya plastiki mikononi kwani ni hatari sana ukilishika bila kuvaa kitu cha kujikinga lisigusanae na ngozi
Kutoka kushoto ni  Beatrice John mmoja wa wafanyakazi waChuo kikuu cha  Mount meru akifuatiwa na aliye kushoto kwake Afisa uhusiano wa Chuo hicho bi Imelda Naomi wakiwa wameshikilia mmea wa gugu karoti baada ya kuling'oa wakiwa wamevaa mifuko ya plastiki.


Wafanyakazi wa chuo kikuu cha Mount Meru Philipo Meleji na Boniface Msuta , wakiwa wameshikilia mmea hatari wa gugu karoti baada ya kuung'oa wakiwa wamevaa mifuko ya plastiki ili kuzuia majani yake yasigusane na ngozi ya mwili.
Ndugu Gaston Baruan mmoja wa wafanyakazi wa chuo kikuu cha Mountmeru akiwa ameshika gugu karoti kwa mfuko wa plastiki akiwa ameling'oa tayari.
Mmea hatari wa Gugu Karoti ukiwa umestawi vilivyo kandokando ya nyumba kama inavyoonekana katika picha.


Na.Vero Ignatus,Arusha.

Baada ya kupata elimu juu ya mmea hatari wa gugu karoti ambao una madhara kwa afya ya binadamu ,wanyama na mimea ,waalimu ,wafanyakazi na wanafunzi wa chuo kikuu cha Mount Meru wameungana kwa pamoja kung'oa mmea huo katika maeneo yao na kuuteketeza kwa moto.

Wafanyakazi hao walipate elimu kuhusiana na mmea huo hatari  kutoka kwa wataalam wa kituo kinachohusika na teknilojia za Kilimo na mifugo  (ECHO) kilichopo Ngaramtoni Mkoani Arusha.

Mmea huo hatari wa gugu karoti ni hatari kwa afya ya binadamu,wanyama na mmea mingine,ambapo kwa mwanadamu mmea huo unasababisha harara katika ngozi,na kuharibu mfumo njia ya hewa (husababisha pumu)

Aidha  mtaalam huyo Charles Bonaventure amesema kuwa wamepokea malalamiko kutoka kwa wafugaji kuwa ng'ombe wao wamekufa baada ya kula mmea huo
Amesema kuwa ng'ombe waliokula mmea huo maziwa  yanakuwa machungu .

Mtaalam huyo amesema kuwa kutokana na utafiti uliokwisha kufanyika inaonyesha kuwa ng'ombe akila kwa 10% hadi 50% mfululizo huweza kufa

Aidha wanaiomba serikali hususani wizara ya Kilimo mifugo na uvuvi,wizara ya Afya,maendeleo ya jamii  wazee na watoto, wadau mbalimbali  wa mazingira,kuangalia namna gani wanaweza kuutokomeza mmea huo ambao umezagaa katika mkoa wa Arusha,Manyara,Kilimanjaro na Kagera

Kwa upande wake Afisa uhusiano wa Chuo Kikuu cha Mount Meru bi Imelda Naomi amesema kuwa wamefarijika kupata elimu juu ya mmea huo hatari kwani mara zote wamekuwa wakiuona mmea huo bila kufahamu madhara yake

Amesema kuwa elimu hiyo waliyoipata watashirikiana kuitoa kwa wengine ili waweze kuelewa madhara ya mmea huu hatari wa gugu karoti ili wasiweze kupata madhara

Aidha wameiomba serikali kuingilia kati swala la mmea huo kwani linaenea kwa kasi kubwa mno.



No comments:

Post a Comment