Top Menu

HABARI MPYA

WAKANDARASI WAZAWA ACHENI UBABAISHAJI MNAPOPEWA KAZI

10/19/2018 09:20:00 am


Pichani ni daraja la Kijiji cha Getamok linalosuasua kukamilika kwake kutokana na changamoto mbalimbali

Na, Vero Ignatus, Karatu

Mkuu wa Mkoa wa Arusha, Mrisho Gambo ameiagiza kampuni ya Kiure Engineering Ltd kuhakikisha inakamilisha ujenzi wa daraja uliogharimu Sh. milioni 250 fedha zilizotolewa na serikali kwaajili ya ujenzi wa daraja hilo eneo la Getamok.

Gambo aliyasema hayo wakati alipokuwa akikagua ujenzi wa daraja hilo ambalo ni muhimu kwaajili ya wakazi wa maeneo hayo.

Alisema kampuni ya Kiure Engineering Ltd imekuwa kikwazo kikubwa cha kutokamilisha ujenzi wa daraja hilo kwa muda uliopangwa hali iliyopelekea kuongezewa muda wa miezi nane ili wamalize ujenzi huo.

Amesisitiza kuwa lazima wakandarasi wazawa wakajithamini pale wanapoomba kazi za ujenzi wa aina mbalimbali za miradi ya maendeleo na kama hawana uwezo huo wa kufanya kazi ni vyema wakaacha kuepusha kuingia matatani kwani serikali inapotoa fedha kwaajili ya jambo fulani ni lazima likamilike kwa wakati.

"Tunawapa hadi Oktoba 23 mwaka huu daraja hili liwe limeshakamilika, na ikifika saa kumi jioni Mkuu wa Wilaya hii atakuja na OCD kuangalia kama mmekamilisha kinyume na hapo tutatumia nguvu za ziada kusukuma jambo hili''alisema Gambo

Pia niwaonye nyinyi wakandarasi wazawa mjitathimini maana mnaomba kazi halafu mnaleta ubabaishaji wa mara kwa mara na hamkamilishi kazi zenu kwa wakati, kama hamuwezi kazi acheni " alisema Gambo.

Naye Msimamizi wa Mradi huo kutoka kampuni ya Kiure Engineering Ltd, Said Idd alikiri ni kweli wamechelewesha kukabidhi daraja hilo kutokana na changamoto mbalimbali ikiwemo mvua kubwa kunyesha mwezi Machi mwaka huu pia walipokuwa wakichimba udongo walikumbana na chemchem kubwa ya maji hali iliyopelekea kuchelewa kutekeleza ujenzi wa daraja hilo.

Alisema kwa sasa daraja hilo limekamilika kwa asilimia 90 na kazi iliyobaki hivi sasa ni kusambaza mawe na kuweka kingo za maji ikiwemo kurekebisha kasoro mbalimbali kwaajili ya kukabidhi kwa DC wa Karatu Bi. Theresia Mahongo.

Naye DC, Mahongo alisema hajaridhishwa na kasi ya ujenzi wa daraja hilo na mara kwa mara alikuwa anaenda eneo hilo kuangalia ujenzi wake na kusisitiza kuwa ni vyema sasa wakandarasi wakapima uwezo wa kazi wanazotaka kuzifanya kwani uzembe wa mkandarasi huyo umepelekea kukatwa fedha zake za mradi huo baada ya kuzembea kazini.


Mwisho

HATIMAYE JIMBO LA LIWALE LAPATA MUWAKILISHI BUNGENI

10/14/2018 12:11:00 pm
 Msimamizi wa uchaguzi mdogo Jimbo la Liwale Luiza Mlelwa akimkabishi chetu mbunge mteuliwa wa Jimbo la Liwale Zuberi Kichauka. Picha na Vero Ignatus
Wa pili kutoka kulia ni Msimamizi wa Uchaguzi mdogo Jimbo la Liwale Luiza Mlelwa akiniandaa kumtangaza mshindi wa kigi cha ubunge Jimboni hapo. picha na Vero Ignatus
 Mbunge Mteule wa Jimbo la Liwale akionyesha cheti alichokabidhiwa na msimamizi wa uchaguzi mara baada ya kutangazwa rasmi. Picha na Vero Ignatus

Na. Vero Ignatus, Liwale - Lindi

Hatimaye uchaguzi mdogo wa Jimbo la Liwale umemalizika kwa huku mgombea wa chama cha mapinduzi (CCM) Zuberi Kuchauka akiibuka mshindi wa kiti cha ubunge

Msimamizi uchaguzi Jimboni hapo Luiza Mlelwa amesema waliojiandikisha kupiga kura walikuwa 55777 na waliojitokeza kupiga kura walikuwa 40706 kura halali zilikuwa 40,301 kura zilizokataliwa ni 405 

Akimtangaza mshindi wa kiti cha ubunge (6:30usiku ) Jimbo la Liwale msimamizi wa uchaguzi amesema kuwa Zuberi ameshinda  kwa kura 34, 582 sawa na asilimia 85.81

Mara baada ya kutangazwa mshindi wa kiti cha Ubunge Zuberi Mchauka amesema ameyapokea  matokeo kwa furaha na ameahidi kushirikiana na wananchi wa Jimbo la Liwale kutatua changamotoy
mbalimbali zilizopo

Aidha Mchauka amesema kuwa changamoto nyingi zilizopo katika  Jimbo la Liwaleni  pamoja na miundombinu ya barabara, maji, Elimu, mawasiliano na Afya ambapo ameahidi wananchi kuwa atashughulikia changamoto hizo. 

Abdul Kombo  Ngakolwa  mgombea wa chama cha (AAFP) chama cha wakulima amesema ameridhishwa na  ushindi  alioupata  mgombea wa(CCM) na amempongeza, kwa ushindi huo

'' Mara zote mtu  unaposhindana lazima mmoja ashinde, asiyekubali kushindwa siyo mshindani'' alisema Abdul


Mwajuma Notey mgombea kutoka (UMD) amewapongeza wanaliwale kwa kufanya maamuzi yao na amesema anayaheshimu, amempongeza mbunge mteule  kwa ushindi huo 

"Nakupongeza sana kwa ushindi ila  namkumbusha tu awakumbuke wapiga kura wako  wote waliomchagua na wasiomchagua wote ni wapigakura wako" 


Mchakato wa kumtafuta mbunge wa Jimbo la Liwale ulianza mwezi mmoja uliopita ambapo waliotangaza nia ya kuwania kiti hicho ni  wagombea kutoka vyama vifuatavyo AAFP  kura 18 sawa  0.2% (UMD 109 sawa 0.49% ACT 285  sawa 0.79%CUF 5207 sawa na 12. 92%

WANANCHI WA JIMBO LA LIWALE WAJITOKEZA KWA WINGI KUTIMIZA HAKI YAO KIMSINGI YA KUPIGA KURA

10/13/2018 12:43:00 pm
Balozi Ramadhani Mapuri mjumbe wa Tume ya Taifa ya uchaguzi akiwa katika Kitio cha kupigia kura cha Ujenzi. Picha na Vero Ignatus. 
Pichani ni foleni ya kupiga kura katika kituo cha Likongowele Galani  leo asubuhi Wilaya ya Liwale Mkoani Lindi. Picha na Vero Ignatus. 
Mmoja ya mwananchi kama anavyooneka tayari ameshapiga kura leo asubuhi. Picha na Vero Ignatus. 
Upigani kura ukiendelea kama inavyoonekana Pichani wananchi wakiwa kwenye foleni. Picha na Vero Ignatus
Wananchi wakiwa katika kituo cha kupigia kura Likongowele ghalani  katika Jimbo la Liwale Mkoani Lindi leo asubuhi 13 Octoba 2018, Picha na Vero Ignatus. 
Hapa ni kituo cha kupiga kura cha Ujenzi wananchi wakiwa kwenye foleni tayari kwa kupiga kura leo asubuhi. Picha na Vero Ignatus. 


Na. Vero Ignatus , Liwale-Lindi

Wananchi wa Liwale na viunga vyake wamejitokeza kwa wingi asubuhi ya leo   katika vituo vya kupigia kura kwenye uchaguzi mdogo wa Ubunge 2018 mkoa wa Lindi.

Kwa mujibu wa Msimamizi wa uchaguzi jimbo la Liwale Luiza Mlelwa amesema jumla ya wapiga kura waliojiandikisha 55777 na vituo vya kupigia kura 158 wote hawa watapiga kura kumchagua mbunge wao pamoja na diwani kata ya Kibutuka

Balozi Ramadhani Mapuri mjumbe wa Tume ya Taifa ya uchaguzi amesema kuwa ameshuhudia ufunguzi wa vituo, ambapo wapiga kura wamejitokeza kwa wingi na zoezi limeanza kwa wakati hivyo wananchi wasisite kwenda kupiga kura kwani uchaguzi unaendeshwa kwa Amani na Utulivu

Amesema katika vituo vya kupigia kura vya Likongowele  Galani  pamoja na Kituo cha Ujenzi  hali ya uchaguzi ni shwari  na wananchi wameendelea kujitokeza kwa wingi kupiga kura.

Wananchi hao wanapiga kura kuwachagua viongozi wanaowapenda kutoka vyama mbalimbali  vya siasa, Abduli Kombo Ngakolwa kutoka chama cha wakulima AAFP, Hamis Mohamed Lihindi kutoka ACT Wazalendo, Kachauka Zuberi Mohamed (CCM)  Mtesa Mohamed Rashid (CUF) na Mwajuma Noty Mirambo (UMD)

KIHAMIA:UCHAGUZI SIYO VITA , NI UTARATIBU WA NCHI WA KUPATA VIONGOZI

10/12/2018 06:35:00 pm
Mkurugenzi wa Tume ya uchaguzi Taifa (NEC) Dkt. Athumani Kihamia akiwa Liwale leo. Picha na Vero Ignatus. 
Mkurugenzi wa huduma za Kisheria Tume ya Taifa ya Uchaguzi Emmanuel Kawishe. Picha na Vero Ignatus.

Na. Vero Ignatus, Liwale,-Lindi

Maandalizi ya uchaguzi mdogo  Jimbo  Liwale Mkoani Lindi na kata nne Tanzania Bara yamekamikika kwa asilimia  100

Hayo yamesemwa na Mkurugenzi wa Tume ya uchaguzi Taifa (NEC) Dkt. Athumani  Kihamia kwamba vifaa vimefika wakati hivyo amewataka wananchi wa Liwale watambue kuwa uchaguzi siyo vita bali ni sera ya nchi ya kupata viongozi kwa kuchaguliwa,

"Vifaa vya uchaguzi vimefika kwa wakati, watendaji wa uchaguzi wamepatiwa  mafunzo ya kutosha pia  ulinzi na usalama umeimarishwa hivyo wananchi msiogope kuja kupiga kura hapo kesho"

'' Kwa  upande wa kampeni zipo salama hakuna mtu aliyejeruhiwa wala kurupushani, hakuna malumbano yeyote makubwa ambayo yanaashiria ubunjifu wowote wa Amani''Amesema Kihamia.

Amesema vituo vya kupiga kura vitafunguliwa kesho saa moja asubuhi na vitafungwa majira ya saa kumi jioni 13oktoba 2018, hivyo wananchi wamejitokeze kwa wingi kutimiza haki yao ya msingi ya Kikatiba ya kupiga kura.

Aidha  wananchi wametakiwa wakishapiga kura warudi manyumbani mwao na kuendelea  na shughuli zao za kihalali zinazotekelezwa kila siku.

'' Hakuna haja ya kusema kuwa kuna mwananchi anayelinda kura maana tayari wana mawakala wao kayika mchakato mzima wa upigaji kura hadi kuhesabu hadi kumtangaza mshindi''

Mkurugenzi wa huduma za kisheria kutoka NEC Emmanuel Kawishe  amesema  hakuna changamoto ila baadhi  vyama ambao hawakupata taarifa sahihi kuhusiana na maswala ya mawakala, hadi kufikia kusema tume imekataa  wakati ilishakubaliana na vyama hivyo.

Ikumbukwe kuwa uchaguzi huo mdogo unafanyika katika jimbo la Liwale kutoka na aliyekuwa mbunge Zuberi Kuchauka wa awali kuhama kutoka chama cha CUF  na kuhamia Ccm.





WAZIRI ASITISHA ZIARA AKISUBIRI KISIMA KITOE MAJI

10/10/2018 10:49:00 am
Mhe Mbarawa akiongozwa na wataalamu wa kampuni ya Sinohydro Corporation Ltd kuangalia mwamba unaotoa maji ardhini kwa kutumia camera maalumu. Picha na Vero Ignatus. 
Waziri wa Maji na Umwagiliaji Prof Mbarawa akikagua urefu wa kisima katika kijiji cha Levolosi kata ya Kimnyaki akiwa ameambatana na wahandisi toka wizara ya maji na mamlaka ya maji safi na usafishaji jijinla Arusha AUWSA. Picha na Vero Ignatus

Na. Vero Ignatus, Arusha

Waziri wa  Maji na Umwagiliaji Prof.Makame Mbarawa amelazimika kusitisha ziara kwa masaa mawili na nusu akisubiri kisima katika  kijiji cha Levolosi Kata ya Kimnyaki Wilayani Arumeru kinachochimbwa kitoe maji kabla ya kwenda kusaini mkataba.

Aidha Prof. Makame Mbarawa amemwagiza Katibu Mkuu wa Wizara hiyo kumrudisha Wizarani mara moja Mhandisi  wa Miamba Amir Msangi  kwa uzembe wa kutoonekana kwenye eneo la mradi.

Waziri alitoa agizo hilo  jana wakati alipotembelea Kijiji cha Levolosi, Kata ya Kimnyaki kujionea zoezi la uchimbaji wa visima vitatu na baada ya hapo alitia saini ya mkataba wa ujenzi wa mtandao mpya wa maji,mitambo ya kutibu maji safi ujenzi wa ofisi kuu ya AUWSA na ujenzi wa ofisi kuu ya AUWSA Kanda ya Kati wenye thamani ya Sh.bilioni  520.

Prof.Mbarawa alisema serikali imeamua kuleta wataalam wake toka Wizarani ili wasimamie na kujifunza Teknolojia mpya ya uchimbaji visima vikubwa kwa ajili ya kuweza kufundiaha wenzao utaalam huo hapo baadaye.

"Lakini cha kushangaza nimepata taarifa huyu Amir Msangi haonekani eneo la kazi na hivyo namwagiza mtaalam mwenzake Fatuma Mambo kumtaarifu Katibu Mkuu ili arudishwe Wizarani huyu na hapa aletwe mwingine atakayepata ujuzi huu,"alisema

Amesisitiza kuwa  lengo kubwa  la serikali  ni kuwaleta wataalam hao ili kuhakikisha miradi ya maji inayotekelezwa inakuwa na ubora uliokusudiwa.

Alisema kukamilika kwa mradi huo kutasaidia wananchi kupata maji kwa asilimia 95 ifikapo mwaka 2020.

Aidha alisema miradi hiyo inatekelezwa na AUWSA kwa ufadhili wa serikali kupitia mkopo wa masharti nafuu toka Benki ya Maendeleo ya Afrika (AfDB).

Naye Mkurugenzi wa Mamlaka ya Maji Safi na Usafi wa Mazingira Mkoa wa Arusha (AUWSA) Mhandisi Ruth Koya alisema mradi huo utakamilika  Juni mwaka 2020 na wanatarajia Arusha itanufaika na mradi huo kwa kuwa ukosefu wamaji utakua historia.

"Kwa kuanza tayari wakandarasi wameanza kusambaza mabomba ya maji taka nakuweka ya kisasa na makubwa yanayoendana na mahitaji ya sasa,lengo mazingira yawe safi na wananchi wapate huduma zamaji safi bila shida,"alisema

Mhandisi Koya alisema zaidi ya wananchi 827,000 watanufaika na mradi huo ambao utazalisha maji lita milioni 200 kwa siku.

Kwa upande wake Mwenyekiti wa Bodi ya AUWSA, Dk.Richard Masika alisema ili miradi hiyo inayotekelezwa sasa  iwe mfano na endelevu wamewapatia mafunzo Timu ya Menejimenti na watumishi wengine toka kwa wataalamu wa Jumuiya  ya kusimamia mikataba ya Kimataita.

"Ikukwepa gharama serikali tulimgharamia kuleta wataalam hawa toka nchi ya Switzerland" 

TAMASHA LA URITHI FESTIVAL LAMEZINDULIWA RASMI MKOANI ARUSHA

10/10/2018 04:39:00 am
Ngoma ya Kabila la wamaasai wakiimba katika Tamasha la Urithi Festival lililozinduliwa  Jijini Arusha Katika uwanja wa Shekhe Amri Abeid .Picha na Vero Ignatus.
Baadhi ya washiriki wakila ugali wa asili na mlenda katika tamasha la urithi festival katika uwanja wa shekh Amri Abeid Jijini Arusha na Vero Ignatus.

Katibu mkuu Wizara ya Habari Utamaduni na Michezo Suzan Mlawi akizungumza na wananchi wa Mkoa wa Arusha katika Tamasha la Urithi Festival lililozinduliwa mkoani Arusha. Picha na Vero Ignatus
Katibu mkuu Wizara ya Habari Utamaduni na Michezo Suzan Mlawi akiwa katika moja ya banda wanalotengeneza vitu vya asili. Picha na Vero Ignatus. 
Kutoka katikati ni Katibu mkuu wizara ya Habari Utamaduni na Michezo Suzan Mlawi, kulia kwake ni Mkurugenzi mkuu wa Makumbusho ya Taif a Profesa Audix Mabula ambaye pia ni Mwenyekiti wa maandalizi ya Tamasha la Urithi, akifuatiwa na Katibu tawala wa

Mkoa wa Arusha Richard Kwitega. Picha na Vero Ignatus.
 Kushoto ni Mkurugenzi wa Makumbusho ya Taifa Profesa Audix Mabula, Katibu Mkuu wizara ya habari michezo michezo na Utamaduni Suzan Mlawi wakiwa katika moja ya banda uwanjani hapo. Picha na Vero Ignatus.
Ngoma ya asili ya Wakina mama kutoka kabila la Kimeru. Picha na Vero Ignatus
Hawa nao wakinamama kutoka kabila la Kimaasai walipamba Tamasha hilo la Urithi na utamaduni mkoani Arusha katika uwanja wa Shekh Amri Abeid. Picha na Vero Ignatus.



Na.Vero Ignatus ,Arusha

Kila mwaka mkoa unatakiwa kutenga fungu kwaajili ya kuandaa tamasha la urithi na utamaduni itakayochangia  kuzaa zao jipya la utalii na kupanua wigo wa vivutio vya utalii nchini.

Hayo yamesemwa na Katibu mkuu wizara ya Habari Utamaduni na Michezo Suzan Mlawi katika uzinduzi wa Tamasha la Urithi lililozinduliwa Jijini Arusha katika uwanja wa Shekh Amri Abeid na kushirikisha makabila mbalimbali mkoani hapo.

Ameeleza  kuwa  Taifa lisilo na utamaduni ni taifa lililokufa, sambamba na kupoteza rasilimaliza  husika kwani utamaduni ni kuvutio kibwa cha utalii.

"Tusipoenzi na kuzitunza tamaduni hizo utu wetu rasilimali zetu zitapotea, kwani utamaduni wetu ni kivutio kikubwa cha utalii"alisema Katibu Suzan

Kwa upande wake Katibu tawala wa
Mkoa wa Arusha Richard Kwitega amesema asilima 80%wageni wanaoingia nchini  wanatembelea Mkoani hapo kutokana na vivutio vilivyopo mkoani Arusha kupitia  vya utalii 

Maonyesho hayo  yamehusisha wadau kuonyesha mambo burudani,ngoma za asili,vyakula vya asili,mavazi ya asili ,utalii na tamaduni za Mtanzania bila kuvunja sheria .

Tutapata nafasi nzuri za kuona tamaduni mbalimbali za kuona mambo mbalimbali, mavazi, vyakula, michezo ya asili.alisema Kwitega.

Mkurugenzi mkuu wa Makumbusho ya Taif a Profesa Audix Mabula ameipongeza Wizara ya Maliasili na Utalii kwa kubuni wazo hilo zuri, kwa kutambua na kuthani, kutafiti na kuhifadhi vitu vya asili kwa manufaa ya Watanzania na kwa vizazi vijavyo.

Ikumbukwe kuwa septemba 15 Tamasha la Urithi Festival lilizinduliwa rasmi Jijini Dodoma na Makamu wa Rais Samia Suluhu likiwa na kauli mbiu isemayo "Urithi wetu Fahari yetu"

Maonyesho hayo yamehusisha wadau mbalimbali kuonyesha mambo burudani,ngoma za asili,vyakula vya asili,mavazazi ya asili ,utalii na tamaduni Kuhifadhi tamaduni zetu nzuri

Tamasha hilo la urithi litafungwa tarehe 13 octoba na Waziri Mkuu Kassim Majaliwa katika uwanjawa Shekh Amri Abeid Arusha.






Baraza la Habari Tanzania (MCT) Lasikitishwa na wanahabari waoga

10/05/2018 10:39:00 am

Kajubi Mwakajanga Katibu mtendaji Baraza la habari Tanzania. Picha na Vero Ignatus
Msemaji katika mkutano cr huo Owino Opondo kutoka nchi ya Kenya.

Deus Kibamba kutoka Taasisi ya kijamii ya Umoja, Haki ya kupatq Taarifa akiongoza katika uchokonozi wa majadiliano. Picha na Vero Igna

Salim Salimu Msahauri na Mtaalamu wa maswala ya Habari (mwandishi mkongwe mstaafu) akichangia mada katika mkutano mkuu wa Mwaka Baraza la Habari Tanzania. Picha na Vero Ignatus

Mkuu wa Chuo cha Practical School of Journalism (PST) Kiondo Mshana akichangia mada
Baadhi ya washiriki wakiwa katika mkutano wa wa mwaka ulioandaliwa na Baraza la habari Tanzania (MCT) uliofanyika katika hoteli ya Ocean View Zanzibar.
Wajumbe wa mkutano mkuu wa Baraza la Habari Tanzania wakiwa katika mkutano kwenye ukumbi wa Zanzibar Ocean View.
Mkutano ukiendelea. Picha na Vero Ignatus

Na Vero Ignatus, Zanzibar

Waandishi  wa habari kutoka maeneo tofauti Nchini wameonyesha  kuchukizwa na vitendo vya kuminywa  uhuru wa kutoa na kupokea habari jambo ambalo wamesema ni kinyume na katiba

Wakichangia katika mkutano maalumu juu ya ufinywaji wa mashirikiano ya jamii na Vyombo vya habari ulioandaliwa na Baraza la Habari Tanzania (MCT) ambao ulifanyika Zanzibar, wamesema vitisho vimekuwa vikubwa na ufungiaji vyombo onyo.

Mtaalam na mshauri wa habari nchini Salim Said Salim amesema wanachokifanya watawala ni kuwatisha wandishi ili wasifichuliwe maovu yao na kuweleza waandishi wakati huu ni muhimu sana kwao na wasiogope wafanyekazi zao kwa kufuata maadili ya kazi zao.

“licha ya uwepo wa hali hii ambayo ni ngumu kwetu  hatupaswi kuogopa badala yake tutekeleze kazi zetu kwa mujibu wa maelekezo ya fani yetu maneno ya wakubwa tuayapinga” alieleza Salim.

Alisema kuwa kuwepo kwa vikwanzo hivyo wazione kama ni changamoto ambazo wanaweza kuzieepuka kwani Tanzania ni ya watu wote si ya mtu mmoja.

“yaani tifanyeni kazi mpaka ifike  wakati Serikali na taasisi zote zile ziheshimu waandishi wa habari na kazi zao” alieleza.

Akitolea ufafanuzi kuhusu changamoto hizo katibu mtendaji wa baraza la habari Tanzania Kajubi Mukajanga alisema ni kweli kuna changamoto kubwa hivi sasa ya vitisho lakini alifahamisha njia pekee ya kukabiliana na vitisho hivyo ni waandishi wote Tanzania kuwa umoja wenye nguvu.

Aliwataka waandishi hao wakisikia miongoni mwao amepatwa na kadhia hizo  basi kila mmoja aone imemfika yeye na kuaza kutafutanjia ya kulitatua kwa ppamoja.

“Lakini havi vitimbi vyao havitakuwa na nafasi kama tutakuwa tunaandika habari ambazo ni za kweli na zenye kufuata maadili” alieleza Kajubi.

Akizungumza katika mkumbi huo mkufunzi wa mkutano huo  Owino Opondo alieleza kuwa licha ya kufungiwa vyiombo  lakini ni jambo la kusikitisha kupigwa ovyo kwa wanahabari hapa nchini.

“Leo limekuwa jambo kawaida kumuona mwaandishi anapigwa na vyombo vya dola na bila hofu , tunahitaji umoja ulio na nguvu ya kweli” alieleza Opondo.

James Marenga ambaye Mjumbe wa Taasi ya Umoja wa kupata habari Tanzania ambaye ni mwanasheria  aliwataka waandishi wa habari kutowa mashirikiano wakati wakati wanafikwa na matatizo mbali mbali.

“Unaweza kumuona mwaandishi anapata matatizo lakini inapofika wakati wa kutoa ushahidi anakimbia kabisaa, jambo ambalo na sisi kama watetezi linatuvunja moyo” alieleza Marenga.

Waandishi wa habari zaidi  200 Tanzania wamekutana katika mkutano siku moja Zanzibar ili kuona njia gani wataweza kufanya utetezi na kuondoa ule ufinyu wa ushirikiano jamii na vyombo vya habari.

Maadhimisho ya siku ya Wazee Kitaifa kufanyika Arusha , Rais Mstaafu wa awamu ya pili Mzee Alhaji Ally Hassan Mwinyi kuwa Mgeni rasmi

9/28/2018 11:20:00 pm
 Rais Mstaafu wa awamu ya pili Mzee Alhaji Ally Hassan Mwinyi(picha kutoka Maktaba) 

Na. VERO IGNATUS, ARUSHA

Wakati tukielekea kusherehekea siku ya wazee septemba 30 imeelezwa kuwa zaidi ya asilimia 80% (takriban mil2)ya wazee hapa nchini wanaishi vijijini. 
Akizungumza na vyombo vya habari kamishna wa ustawi wa jamii kutoka wizara ya Afya jinsia wazee na watoto Dkt. Naftali Ng’ondi amesema kuwa juhudi  za ziada zinashitajika ili kuwafikia na kuweza kuhakikisha wanapata huduma stahiki kama ilivyo katika sera ya Taifa 
Ng'ondi amesema maadhimisho ya siku ya wazee duniani kitaifa yatafanyika jijini Arusha ambapo mgeni Rasmi anatarajiwa kuwa Rais mstaafu wa awamu ya pili Mzee Alhaji Ally Hassan Mwinyi


Aidha kwa mujibu wa shirika la Help Age International limeweka wazi kuwa hapa nchini asilimia 27%  ya wazee wote (677,043) wanaishi wenyewe bila msaada wa mtu yeyote

Amesema kuwa zaidi ya asilimia 83% ya wazee wote (2.1m) wanaishi katika familia na kupata angalau matunzo ya familia tofauti na wenzao ambao wanaisha wangali pekee yao

  Nchini Tanzania  kuna familia ambazo wazee wamekuwa wakibeba majukumu ya kuwalea watoto yatima kama takwimu zinavyoonyesha asilimia 40% ya watoto yatima wanalelewa na familia za wazee

Mara baada ya uzinduzi wake kesho wazee watapata fursa ya kupata huduma ya kupima afya kupata ushauri wa kitabibu pamoja na ufunguzi wa maonyesho ya kazi mbali mbali za mikono zinazofanywa na wazee.
Kauli mbiu ya mwaka huu ni Wazee ni Hazina ya Taifa: Tuenzi Juhudi za Kutetea Haki na Ustawi Wao’’. Kaulimbiu hii inahimiza Serikali na Jamii kwa ujumla kutambua na kuenzi jitihada za Wazee katika ujenzi wa Taifa letu.
Tarehe moja mwezi ujao itakuwa siku ya wazee nawaombeni nyote kujitokeza kwa wingi wakiwemo wazee wetu kwenye uwanja wa sheikh Amri Abeid”alisema Dkt.Ng’ondi
Mmoja ya wazee aliohojiwa mkazi wa jiji la Arusha Swalehe Allly amesema kuwa Serikali ya awamu ya tano inatakiwa kuonyesha juhudi zake kwa kuwaandalia wazee wetu angalau pensheni kama takwimu zinavyoonyesha kuwa Tanzania Bara 96% ya wazee wote hawana pension ya uzeeni
Amesema kuwa tuige mfano na kuonyesha juhudi za serikali ya mapinduzi Zanzibar kwa kuwapatia  Wazee 58,371 kati yao 27,000,(46 %) wanapata pesheni Wenye umri wa Miaka 70

Hapa utaona jinsi maisha ya uzee yalivyo kuwa na mtihani kama juhudi za maksudi hazitachukuliwa na serikali zetu kote ulimwenguni kuhakikisha wazee wanapata matunzo stahiki kama tawimu hizi” alisema Ally
 Imeonyesha juhudi kama hazitachukuliwa na kufanyiwa kazi, asilimia Zaidi ya 50% ya familia za wazee wanaishi chini ya kiwango cha umaskini. kigezo- Benki ya Dunia.

Arusha United WanaUtalii kuvaana na Rhino Rangers FC ya Tabora September 29

9/28/2018 12:46:00 pm
 Kikosi cha timu ya Arusha United  wanautalii kama wanavyoonekana pichani. 
Msemaji wa timu ya Arusha United wana utalii Jamillah Omar

Na. VERO IGNATUS, ARUSHA

Ni septemba 29/2018 ni siku ua  kuanza rasmi ligi daraja la kwanza msimu wa kwanza  wakazi wa jiji la Arusha na viunga vyake wametakiwa kujitokeza kwa wingi kuishangilia timu ya Mkoa huo ya Arusha United Wanautalii siku ya tarehe 29 wakati timu hiyo itakapomenyana na Rhino Rangers Fc ya Tabora.

Msemaji wa timu ya Arusha United wana utalii Jamillah Omar akizungumza na waandishi wa habari  katika uwanja wa Shekh Amri Abeid  amesema anatarajia wana Arusha watajitokeza kwa wingi siku hiyo ili kuishangilia timu hiyo ambayo kwa sasa inarudisha Mkoa huo  katika ramani ya soka nchini ambayo imepotea kwa muda mrefu.

Jamillah amesema kikosi cha timu ya Arusha United  wanautalii kimedhamiria  kuingia ligi kuu mwakani kutokana na kuwa na kikosi imara chini ya kocha mkuu Felix Minziro  ambae anahistoria safi katika soka nchini.

Kaimu Mkurugenzi mtendaji  wa timu ya Arusha United wana utalii Fikiri Elias amesema timu yake imejiandaa vyema kukabiliana na timu ya Rhino Rangers Fc kutoka Tabora na wauhakika na ushindi wa point tatu.

Kwa mara ya kwanza tangu ipate usajili timu ya Arusha United wana utalii itajitupa uwanjani rasmi kuanza kushiriki ligi daraja la kwanza mwaka huu ikiwa katika safari yake ya kuelekea ligi kuu mwakani.

INDONESIA YAAHIDI USHIRIKIANO NA TUME YA NGUVU ZA ATOMIKO TANZANIA

9/26/2018 07:59:00 pm
Na. VERO IGNATUS, ARUSHA. 

Ubalozi wa Indonesia umeridhika na kazi zinazofanywa na Tume ya Nguvu za Atomiki Nchini katika kudhibiti matumizi ya nyuklia sanjari na kushirikiana katika kuhakikisha matumizi sahihi ya nyuklia yanakwenda katika sekta ya viwanda.

Akizungumza Balozi wa Indonesia
 Ratlan Pardede nchini Tanzania amesema upande kwa upande Indoneshia nyuklia wanaitumia katika viwanda na kilimo hivyo wanataka kuutumia uzoefu huo kwa kushirikiana na Tanzania ili kuinua uchumi kupitia teknolojia hiyo. 

Mkurugenzi mkuu wa Tume ya Nguvu za Atomiki nchini Profesa Lazaro Busagala amesema ujio wa Balozi wa Indonesia nchini a utaleta mafanikio katika sekta mbalimbali zinazotumia nguvu za nyuklia.

Profesa Busagala amesema mbali na kutembelea katika Kituo hicho cha Nyulkia kilichopo Jijini Arusha pia aliweza kutembembelea mahabara ya kuzalishia nguvu za nyuklia na amesema kituo hicho kipo katika hatua nzuri kwani kazi za ndani zimeshamalizika kwa sasa wanamalizia za nje.

Sambamba na hayo  Balozi huyo amesema Mhe Rais Magufuli alimweleza Kwamba atafute maeneo mbalimbali nchini ambayo ataleta viwanda Tanzania kwa kupitia wafanyabiashara mbalimbali na ndicho anachochokifanya kwa sasa.

Uwezekano wa  Indonesia kuleta viwanda vinavyotumia teknlojia ya nyuklia na madawa, uchumi wa Tanzania utaongezeka kwani unaendana na sera sahihi ya serikali  wa kujenga Tanzania ya viwanda.

'' Tunapoongelea teknolojia ya nyuklia tunaongelea uwezekano wa kiwa na viwanda vingi zaidi uchumi wa nchi utaongezeka. "alisema Busagala

Licha ya nchi ya Indonesia kufanya vizuri katika viwanda, huku Tanzania nayo ikiweka mkazo na msisitizo katika uongezaji wa viwanja ameeleza ushirikiano huo wa Teknolojia mpya utasaidia nchi ya  Tanzania kuondokana na upotevu wa asilimia 40 ya mazao ya kilimo na kuongeza mapato ya nchi kwa kiasi kikubwa
Balozi wa Indonesia nchini Tanzania Profesa Rtlan Pardede akizungumza na menejimenti ya Nguvu ya Atomiki iliyopo Njiro Jijini Arusha. Picha na Vero Ignatus
 Mkurugenzi mkuu wa Nguvu za Atomiki nchini Profesa Lazaro Busagala akizungumza mara baada ya kuwasili ugeni kutoka Ubalozi wa Indonesia katika Makao makuu ya Ofisi hiyo iliyopo Njiro Jijini Arusha. Picha na Vero Ignatus.
Kaimu Mkurugenzi - Kurugenzi ya matumizi ya Teknolojia ya Mionzi Yesaya Sungita akimuonyesha Balozi wa Indonesia mahali pa kufanya vipimo na kuangalia usalama wa vyakula, Mahali pa kufanyia utafiti wa vitu vinavyotoa mionzi.
Mkuu wa Idara ya Mionzi  DennisMwalongo (watatu kulia) akitoa maelekezo kwa Balozi wa Indonesia Profesa Ratlan Pardede namna ambavyo mashine za kuhakiki, vifaavya mionzi, mashine za Kupima mionzi katika mwili wa Binadamu kama kuna dharura au ajali, wa pili kushoto ni Mkurugenzi mkuu wa Tume ya Nguvu ya Atomiki Nchini Profesa Lazaro Busagala. Picha na Vero Ignatus. 
Mgeni rasmi Balozi Indonesia Nchini Profesa Ratlan Pardede, akiwa na Mkurugenzi Mkuu wa Tume ya nguvu za Atomiki Nchini Profesa Lazaro Busagala, aliyepo kulia kwake ni Kaimu Mkurugenzi wa Utawala na Fedha  Aquline Kessy, Mkurugenzi wa kinga ya mionzi John Ben Ngatunga na Kaimu Mkurugenzi wa Kurugenzi ya matumizi ya Teknolojia ya Mionzi Yesaye Sungita. Picha na Vero Ignatus
Picha ya pamoja na Mgeni rasmi Menejimenti ya Tume ya Nguvu ya Atomoki na baadhi ya viongozi kutoka Ofisi ya Mkuu wa Mkoa wa Arusha. Picha na Vero Ignatus.













SIMIYU YAANDAA MAZINGIRA WEZESHI KWA WAWEKEZAJI, YAAHIDI KUTOA ARDHI YA UWEKEZAJI BURE

9/15/2018 05:13:00 pm
Mkuu wa Wilaya ya Bariadi, Mhe. Festo Kiswaga (kulia) akimuonesha kitu Mwenyekiti wa Chama cha Wanataaluma na Wajasiriamali Waadiventista Wasabato (ATAPE), Bw. Fredy Manento, wakati wa ufunguzi wa Kongamano la Uwekezaji la Chama hicho lililofanyika Mjini Bariadi Septemba 13, 2018.
Mkuu wa Wilaya ya Bariadi, Mhe. Festo Kiswaga akifungua Kongamano la Uwekezaji la Chama cha Wanataaluma na Wajasiriamali Waadiventista Wasabato (ATAPE), kwa niaba ya Mkuu wa Mkoa wa Simiyu, Mhe. Anthony Mtaka, lililofanyika Mjini Bariadi Septemba 13, 2018.
Mwenyekiti wa Chama cha Wanataaluma na Wajasiriamali Waadiventista Wasabato (ATAPE) Taifa, Bw. Fredy Manento, akitoa taarifa ya Chama hicho wakati wa ufunguzi wa Kongamano la Uwekezaji la Chama hicho lililofanyika Mjini Bariadi Septemba 13, 2018.
Baadhi ya Wanachama wa Chama cha Wanataaluma na Wajasiriamali Waadiventista Wasabato (ATAPE), wakimsikiliza Mkuu wa Wilaya ya Bariadi, Mhe. Festo Kiswaga (hayupo pichan) wakati akifungua Kongamano la Uwekezaji la Chama hicho lililofanyika Mjini Bariadi Septemba 13, 2018.
Mkuu wa Wilaya ya Bariadi, Mhe. Festo Kiswaga (katikati) akiwasikiliza viongozi wa Chama cha Wanataaluma na Wajasiriamali Waadiventista Wasabato (ATAPE), mara baada ya kufungua Kongamano la Uwekezaji la Chama hicho kwa niaba ya Mkuu wa Mkoa wa Simiyu, Mhe. Anthony Mtaka, lililofanyika Mjini Bariadi Septemba 13, 2018.
Mkuu wa Wilaya ya Bariadi, Mhe. Festo Kiswaga (mwenye skafu) akiangalia bidhaa zinazotengenezwa na kuuzwa na Wanachama wa wa Chama cha Wanataaluma na Wajasiriamali Waadiventista Wasabato (ATAPE) kabla ya kufungua Kongamano la Uwekezaji la Chama hicho lililofanyika Mjini Bariadi Septemba 13, 2018.
Mkuu wa Wilaya ya Bariadi, Mhe. Festo Kiswaga (mwenye skafu) akiwa katika picha ya pamoja na viongozi wa Chama cha Wanataaluma na Wajasiriamali Waadiventista Wasabato (ATAPE) na Wanakwaya ya Shamaliwa SDA Choir kutoka jijini Mwanza, baada ya kufungua Kongamano la Uwekezaji la Chama hicho lililofanyika Mjini Bariadi Septemba 13, 2018. 

Na Stella Kalinga, Simiyu

Serikali mkoani Simiyu imesema imeandaa mazingira wezeshi kwa wawekezaji katika Fursa  mbalimbali za uwekezaji  ikiwemo viwanda, kilimo na teknolojia, ambapo imejipanga kutoa ardhi bure kwa wawekezaji walio tayari kuwekeza mkoani humo.

Hayo yamesemwa na Mkuu wa Wilaya ya Wilaya ya Bariadi Mhe. Festo Kiswaga  ambaye alimwakilisha Mkuu wa Mkoa huo , Mhe. Anthony Mtaka katika Ufunguzi wa Kongamano la Uwekezaji la Chama cha Wanataaluma na Wajasiriamali  Waadiventista Wasabato (ATAPE), lililofanyika Mjini Bariadi Septemba 13, 2018.

Kiswaga amesema mkoa huo ni mkoa wenye ajenda ya maendeleo, hivyo umejipanga katika kuwawekea mazingira mazuri wawekezaji katika fursa mbalimbali za uwekezaji mkoani humo, ikiwa ni pamoja na  sekta ya viwanda, kilimo, tekonolojia mbalimbali, uchimbaji wa visima na fursa nyingine, ili kufikia lengo la  kuufanya mkoa huo kuwa  katika nafasi nzuri kiuchumi.

“Mkoa wa Simiyu una fursa nyingi mkifika hapa chagueni tu sehemu mje kuwekeza, mtu atakayekuja kujenga kiwanda kikubwa, kizuri ardhi tutampa bure, sisi tutamuuliza tu kwamba tuandike jina gani kwenye hati na tutamkabidhi hati yake, kwa hiyo ATAPE pelekeni salamu kwa wawekezaji wenzenu kuwa ardhi ya uwekezeaji Simiyu ni bure, ninyi mtafute mtaji tu” alisema Kiswaga.

Ameongeza kuwa wawekezaji wote watakaowekeza mkoani Simiyu watapata soko la uhakika la bidhaa zao, huku akibainisha kuwa mkoa wa Simiyu na mikoa inayouzunguka ina wakazi wasiopungua milioni 10 ambao watakuwa wanunuzi wakubwa wa bidhaa zao watakazozalisha.

Aidha, Kiswaga ametoa wito kwa wawekezaji wote wakiwemo ambao ni wanachama wa  Chama cha Wanataaluma na Wajasiriamali  Waadiventista Wasabato (ATAPE), kuwekeza katika ujenzi wa hoteli na hosteli katika Eneo la Nyakabindi mahali ulipo Uwanja wa Nanenane Halmashauri ya Mji wa Bariadi ili kukabiliana na changamoto ya malazi.

Katika hatua nyingine Kiswaga ametoa wito kwa Taasisi za Madhehebu ya Dini kuiga mfano wa Chama cha Wanataaluma na Wajasiriamali  Waadiventista Wasabato (ATAPE) katika  kuwajenga waumini wao kiroho na kuwaimarisha kiuchumi, ili Taasisi kama hizo zitumike kama madaraja kuwavusha waumini wao kueleka katika Uchumi wa Kati.

Kwa upande wake Mwenyekiti wa Chama cha Wanataaluma na Wajasiriamali  Waadiventista Wasabato (ATAPE), Bw. Fredy Manento amesema pamoja na kutoa huduma za kiroho ATAPE inatoa mafunzo ya  ujasiriamali,  imeweza kuwafikia zaidi ya wananchi 20,000 kupitia huduma za afya za bure na imewekeza zaidi ya shilingi milioni 639 katika miradi mbalimbali.

Makamu Mwenyekiti wa ATAPE Taifa (Upande wa Uwekezaji) Dkt. Dastan Kabiaro amesema katika uwekezaji huo ATAPE imeanza na kilimo ambapo  imeshanunua jumla ya ekari 10,250 katika mikoa ya Tanga, Iringa, Pwani , Njombe na inatarajia kupata eneo jingine katika Mkoa wa Morogoro kwa ajili ya kilimo cha miwa ya sukari. 

“ ATAPE imeanza kuwekeza katika kilimo,baadaye tutaenda kwenye maeneo mengine ambayo tumeshaanza kama maji, tutatoa visima \Tanzania nzima kwenye  maeneo yote ambayo hayana maji; katika kilimo tumeanza kuchukua ardhi na kuiendeleza mpaka sasa tuna ekari 10,250, tumeendeleza ardhi hiyo kwa asilimia 10 na tunaendelea kuiendelea ardhi hiyo” alisema.

Mwenyekiti wa ATAPE Kanda ya Bariadi, Bi. Mariam Manyangu amesema  mkoa wa Simiyu una wanachama takribani 80, ambao miongoni mwao ni watalaam katika fani mbalimbali pamoja na wafanyabiashara na wanaendelea kuhamasisha waumini wengi kujiunga na chama hicho,  ili kujenga waumini imara kiuchumi watakaoweza  kuendesha maisha yao na kuchangia kazi ya Mungu.

ATAPE  ni kifupi cha Association Of Tanzania Adventist Proffessionals and Enterpreneurs -Chama cha Wanataaluma na Wajasiriamali  Waadiventista Wasabato)-ambacho kilianzishwa mwaka  1999 kwa lengo kuwafanya Wanataaluma na Wajasiriamali watumie talanta zao kwa faida ya Jamii, Kanisa na kazi ya Mungu

Spika Nduai: Hakuna Bunge Lolote Katika Historia ya Nchi Yetu Lililowahi Kuwa na Wasomi Wengi Kulizidi Hili la 11

9/15/2018 05:02:00 pm
Spika  wa Bunge, Job Ndugai, amewasilisha bungeni takwimu za umri na kiwango cha elimu cha wabunge wote ambapo wenye Shahada za Uzamivu na Uzamili ni 161 kwa Bunge zima.

Ndugai alisema hayo jana, baada ya Waziri Mkuu, Kassim Majaliwa, kutoa hoja ya kuahirisha Bunge, ambapo alisema katika takwimu hizo, Chama cha Wananchi (CUF) wanazo 14, Chama cha Demokrasia na Maendeleo (Chadema) 31 na Chama Cha Mapinduzi (CCM) 114.

Aidha, Spika Ndugai pamoja na mambo mengine, alisema hakuna Bunge limewahi kuwa na wasomi wengi kuzidi hili la 11 tangu nchi ipate uhuru mwaka 1961.

Katika takwimu zake hizo, amemtaja Mbunge wa Viti Maalumu, Halima Bulembo (CCM), kuwa ndiye mbunge mwenye umri mdogo kuliko wote, akiwa na miaka 27, huku mbunge mwenye umri mkubwa kuliko wote akiwa na miaka 74, lakini hata hivyo, hakumtaja ila alisema; “ila leo hayupo.”

“Jana niliwaambia nitafanya zoezi kidogo la takwimu za wasomi ya kuona bunge letu likoje kiusomi, nimefanya ‘homework’ yangu, nitataja wachache, maana baadhi ya watu wanapenda kuliita bunge hili bunge la vijana, lakini baada ya takwimu hizi wabunge wenye umri wa miaka 40 kwenda mbele ni asilimia 80 ya wabunge wote.

“Kwa hiyo haya maneno ya kusema hili bunge la vijana siyo kweli, wakati mwingine ujana wakati mwingine ni ya ujumla sana, mtu anaweza akafikiri bado kumbe umri umeshaenda,” alisema Spika.

Alisema kwa upande wa kundi la Viti Maalumu, kwa kuanzia ameangalia takwimu za elimu ya sekondari kwenda mbele na kwamba elimu ya msingi ameiacha hadi siku nyingine.

“Elimu ya sekondari kwa Viti Maalumu wote ni 24, katika hao 24 CUF wako watano, Chadema watano, CCM 14, wenye cheti na stashahada CUF wanne, Chadema wanane na CCM 16,” alisema.

Spika Ndugai alisema wenye Shahada na kuendelea, Viti Maalumu CUF mmoja, Chadema 23, CCM 32, upande wa Shahada ya Uzamivu jumla 11, CCM 10 na mmoja Chadema, na kuongeza kuwa takwimu hizo zinasaidia wale wanaosema CCM haina wabunge wasomi, kwani bado CCM inatamba.

“Maprofesa tunao saba na wote saba ni wa CCM, PhD kwa wabunge wote humu ni 29, moja CUF, moja Chadema na 27 CCM, maana yake watu kwenye mitandao ooh CCM imejaza vihiyo mara eeh ehh, sasa takwimu hizo,” alisema Ndugai.

“Kwa ujumla wake wako baadhi wanasema Bunge hili ndiyo Bunge ambalo tangu historia halijawahi kutokea la namna hii kwa aina hii ya elimu niliyoieleza hili ni bunge la 11 tangu tupate uhuru, hakuna bunge limewahi kuwa na wasomi wengi kuzidi hili bunge la 11, huo ndio ukweli wenyewe na ndiyo hali halisi.

“Nilikuwa naangalia kule Buyungu kwa Mheshimiwa Chiza (Mbunge wa Buyungu, Christopher Chiza) wagombea wale wa CCM walikuwa kama 22, waligombea kwa CCM wote ni wahitimu wa vyuo vikuu, hiyo inakupa picha ya nchi sasa na inakoelekea, yaani kama Buyungu hali ni hiyo kwa vyovyote vile na kwingine nako kutakuwa kumechangamka,” alisema Spika Ndugai
 
Designed By Arusha Publicity | Developed By Gadiola Emanuel